⌛Վերջնաժամկետը` դեկտեմբերի 10!!!
🔔Երիտասարդ մասնագետների համար ծրագիր 🇦🇲ՀՀ Ազգային Ժողովում!!!
📌🇦🇲Միջազգային հարաբերություների ազգային ժողովրդավարության ինստիտուտը (ԱԺԻ/NDI) և Հայաստանի Հանրապետության Ազգային ժողովը հրավիրում են հայաստանյան երիտասարդներին դիմելու «Երիտասարդ մասնագետների խորհրդարանական ծրագիր 2025»-ին: Ծրագրի ընտրված մասնակիցները հնարավորություն կունենան աշխատելու Ազգային ժողովի պատգամավորների գրասենյակներում, խմբակցություններում, մշտական հանձնաժողովներում և աշխատակազմի վարչություններում։
🟢Ծրագիրը մեկնարկելու է 2025 թվականի գարնանային նստաշրջանում՝ մարտ ամսին և տևելու է ինն ամիս (մարտ-հուլիս, սեպտեմբեր-դեկտեմբեր)։ 🎉Այդ ժամանակահատվածում երիտասարդ մասնագետները կծանոթանան օրենսդրական գործընթացներին, քաղաքացիների հետ աշխատանքներին, խորհրդարանական դիվանագիտությանը և կառավարության նկատմամբ խորհրդարանական վերահսկողության գործընթացներին։ ❗Նրանցից յուրաքանչյուրը ունենալու է անմիջական ղեկավար Ազգային ժողովի պատգամավորներից կամ աշխատակազմի ղեկավար կազմից։ Երիտասարդները ունենալու են նաև մենթորներ՝ նախորդ տարվա ծրագրի մասնակիցներից, ովքեր աջակցելու են ծրագրում արագ ինտեգրվելու և աշխատանքը արդյունավետ կազմակերպելու հարցերում։ Նրանց համար կազմակերպվելու է մասնագիտական կարողությունների զարգացման դասընթացներ՝ միջազգային ու տեղական փորձագետների ներգրավմամբ:
❗«Երիտասարդ մասնագետների խորհրդարանական ծրագիր»-ը բացառիկ հնարավորություն է հայաստանյան երիտասարդների համար՝ աշխատելու Ազգային ժողովի պատգամավորների և աշխատակազմի հետ, ծանոթանալու խորհրդարանական աշխատանքներին և մոտ գտնվելու որոշումների կայացման գործընթացներին։ ❗Ծրագրի տևողութան ամբողջ ընթացքում երիտասարդները հնարավորություն են ունենալու շփվելու Ազգային ժողովի պատգամավորների և աշխատակազմի հետ, ինչպես նաև միջազգային և հայաստանյան քաղաքական և հասարակական գործիչների հետ։
🔎Ծրագրին կարող են դիմել բակալավրի աստիճան ունեցող այն երիտասարդները, ովքեր ունեն իրավագիտութուն, քաղաքագիտություն, միջազգային հարաբերություններ, տնտեսագիտություն, հանրային ֆինանսներ և բյուջեի կառավարում, հաղորդակցություն, ժուռնալիստիկա, հանրային կառավարում, հանրային կապերի և խորհրդարանի հետ առնչություն ունեցող այլ մասնագիտություններ։
Post a Comment
Գրել մեկնաբանություն