⏳Վերջնաժամկետը ` սեպտեմբերի 26!!!
📢« Խաղաղ երկխոսություն․ատելությունը տարբերակ չէ» խորագրով ծրագիր 🇦🇲Նոյեմբերյանում ` 📅հոկտեմբերի 4-8!!!
📢🐦Դո՞ւք էլ եք նկատել, որ այսօր առավել քան երբևէ միմյանց հետ խաղաղ երկխոսելու կարիք ունենք եւ դո՞ւք էլ չգիտեք, թե՞ ինչպես հանդիպեք Ձեր նման մտածողների հետ և միասին գտնեք մի շարք հուզող հարցերի պատասխաններ։
Այդ խնդրի լուծման համար մենք ունենք մեր տարբերակը և այդ նպատակով էլ մշակել ենք ներքոնշյալ ծրագիրը։
🐦2024թ․ հոկտեմբերի 4-ից 8-ը Նոյեմբերյան քաղաքում կիրականացվի շատ արդի թեմայով դասընթաց, որը հնարավորություն կտա, որպեսզի հանդիպենք տարբեր բնակավայրերից ժամանած հայերով և առհասարակ ՀՀ քաղաքացիներով (ներառյալ ազգային, կրոնական, էթնիկ փոքրամասնությունների ներկայացուցիչները)։
🐦Կքննարկվեն այնպիսի հարցեր, ինչպիսիք են ատելության խոսքը, խտրականությունը, անջատողականությունը, որոնք օրեցօր ավելի լայն տարածում են գտնում մեր երկրում։
ℹ️Ծրագրի նպատակն է հնարավորություն տալ, որպեսզի բոլոր մասնակիցները միմյանց ներկայացնեն իրենց ասելիքներն ու առաջարկները, տետ-ա-տետ կարողանան խոսել հուզող թեմաներից՝ կառուցողականության սահմաններում և խաղաղության լեզվով։
ℹ️Ծրագիրը կիրառելու է ոչ ֆորմալ կրթության գործիքներ, ինչպիսիք են ֆորում թատրոնը, բանավեճը, խմբային և անհատական թեմատիկ աշխատանքները և այլն։ Կլինեն աշխատարաններ, որոնք կիրականացվեն Նոյեմբերյանի անթերի աշնանային բնության գրկում։☘️
ℹ️Ծրագրի շրջանակներում կհյուրընկալվեն 24 մասնակիցներ։ Տեղեկացնենք, որ առավելությունը կտրվի արցախցիներին կամ արցախցիների հետ աշխատողներին և Նոյեմբերյանի ու հարակից համայնքների ներկայացուցիչներին։
ℹ️Ծրագիրը նախատեսված է ֆորմալ և ոչ ֆորմալ կրթության դասավանդողների, բլոգերների, լրագրողների ու երիտասարդական ոլորտի աշխատողների համար։
🐦Ծրագիրն ամբողջությամբ հոգում է մասնակիցների կեցության, սննդի, տրանսպորտի ծախսերը։ Մասնակցության վճար չկա, բայց կա մեծ վստահություն ու հավատ, որ միասին երկխոսելով կկառուցենք մեր խաղաղ այսօրն ու պատասխանատու վաղը։