⏳Վերջնաժամկետը ` սեպտեմբերի 4!!!
📢Երիտասարդական ֆորում 2024 🇦🇲Աղվերանում ` 🗓️սեպտեմբերի 28-29!!!
📌Մեկնարկում է Ամենամյա երիտասարդական ֆորում 2024-ի մասնակիցների հավաքագրումը։ 🔎Եթե 16-35 տարեկան ակտիվ երիտասարդ եք, երիտասարդական աշխատող կամ երիտասարդական կազմակերպության ներկայացուցիչ, ով իրազեկ է իր համայնքում երիտասարդներին հուզող խնդիրներից և ներգրավված է կամ ցանկանում է ներգրավվել դրանց լուծման գործընթացում, ապա դիմե՛ք մասնակցելու ս․թ․ սեպտեմբերի 28-29-ը անցկացվող ֆորումին։
🟢 Ամենամյա ֆորումի նպատակն է մեկ հարթակի շուրջ համախմբել ՀՀ 10 մարզերից և Երևանից շուրջ 150 ակտիվ երիտասարդների, երիտասարդական աշխատողների և երիտասարդական ՀԿ-ների ներկայացուցիչների՝ քննարկելու երիտասարդների առջև ծառացած մարտահրավերները, ՀՀ երիտասարդական քաղաքականության գերակայությունները և պետությունից ու ՏԻՄ-երից երիտասարդների ունեցած ակնկալիքները։ Ֆորումի արդյունքում կմշակվի առաջարկությունների փաթեթ, որը կներկայացվի պատասխանատու գերատեսչություններին։
❗Ընտրված մասնակիցները պարտավորվում են ֆորումից առաջ հանդիպում-քննարկումներ իրականացնել իրենց համայնքներում բնակվող երիտասարդների հետ և դրանց արդյունքները ներկայացնել ֆորումի ընթացքում։
❗ Մասնակցությունը ֆորումի 2 օրերին (սեպտեմբերի 28-29, 2024) պարտադիր է։
💰 Մասնակցության հետ կապված բոլոր ծախսերը՝ այդ թվում տրանսպորտի, կացության և սննդի, հոգում են կազմակերպիչները։